මගේ W200i ට වූ හදිය

අද දවස මට ටිකක් විශේෂයි.ඒ මොකද දන්නවද?මගේ ජංගම දුරකතනය අර‍ගෙන අදට හරියටම අවුරුද්දයි.එයා නමින් sony ericsson w200i.මේක තමයි මගේ ප්‍රථම mobile එක.නමුත් කණගාටුවට කාරණය තමයි හිටිහැටියේම මේක අක්‍රීය වීම :( අක්‍රීය වුණේ නම් අද නෙවේ මීට දින 18 කට කලින්.

හැබැයි අක්‍රීය වෙන්න කලින් පොඩි පොඩි ඉඟි ටිකක් ලැබුණා.මම ඒත් ඒ වෙලා‍වල් වල හිතුවෙ නැහැ මෙහෙම දෙයක් වෙයි කියල.ඒකනෙ කියන්නෙ "සිතු දේ නොම වේ නොසිතු දෙයම වේ" කියල.
මෙන්න මට දීර්ඝ කාලීනව පිළිවෙලින් ලැබුණු දෝෂ තත්වයන්...

• යම් මෘදුකාංගයක්(software) පිහිටුවා ධාවනය(run) කිරීමට යාමේදී දුරකතනය ඉබේ ප්‍රථිපන(restart) ගැන්වීම.හැබැයි මෙහෙම වුණේ එක software එකකදි විතරයි.
• පසු කාලීනව,තිබෙන sim එක ඉවත් කර වෙනත් සිම් එකක් යොදා On කළාට පසු ටික වේලාවකින් restart වීම.restart වීම සිදුවන්නේ දුරකතනය ක්‍රියාකාරී අවස්ථාවට පැමිණි පසුය.නමුත් හැම වෙලාවෙදිම මෙහෙම වුණේ නැහැ.
  
• අක්‍රීය වීමට ටික කාලයකට ඉහතදී මෙය එක් වරක් පමණක් stuck වී ඇත(off කර on කිරීමෙන් ඒ අවස්ථාවේදී දෝෂය මගහැරුණි)

මේක අක්‍රීය වුණු දවසෙ උදේ ඉඳන් හවස් වෙනකන් වැඩ කළා.මම හවස දැක්ක මේකෙ sleeping clock එක නතර වෙලා බව.වෙලාව නතර වෙලා තිබුණෙ හවස 2:50 ට.මම දකිනකොට හවස 3:05 විතර ඇති.phone එක අතට ගත්තම දැනුණා ඒක සෑහෙන්න රත් වෙලා කියල.ඉතින් මම key ඔබල බැලුවා.ම්හ්හ්හ්......හරි ගියේ නැහැ නොවැ.ඉතින් මම off කලා ආපහු on කරන්න හිතාගෙන.මම හිතුවෙ කලින් වගේ පොඩි අවුලක් වෙන්න ඇති කියල.ඒත් අධික ලෙස රත්වී තිබීම නිසා පොඩි සැකයකුත් ඇතිවුණා. off නම් වුණා,ඒත් අවාසනාවට ආපසු on වුණේ නැහැ:-O මගේ හෘදස්පන්දන වේගයත් මේ වෙලාවෙදි වැඩි නොවූවා යැයි කියන්නට බැහැ.ඒක වෙනම කතාවක්.මුළු ඇඟම cool වෙලා ගියා :-/

මාත් දන්න වැඩ කෑලි ටික ඔක්කොම දැම්ම.ඒත් තිරයේ කිසිඳු සලකුණක් දැක ගැනීමට නොහැකි වුණා.computer එකටත් සම්බන්ධ කරල බැලුව memory card එකවත් ගනීද කියල බලන්න.වැඩක් වුණේ නැහැ.මට තිබුණු හදිස්සියට එවෙලෙම ගියා ඒක හදන්න දෙන්න.

ඉතින් මම ඒක හදන්න දීලත් දැන් දවස් 18ක් වෙනවා.මොන හැදිලිද...යන යන දවසට නෑ නෑ නෑ ....‍.තමයි.මට දැන් ඒක අහලම එපා වෙලා.මොනා කරන්නද ඉතින්,ඒක ඉල්ලගෙන ආව කියල මට හදාගන්නත් බැහැනෙ.mobile එක හදන්න දීපු තැනින් අරන් ගිහින් වෙන තැනකට දෙන්නත් හිතෙනවා. ඒත් ඉතින් මේ සෙතේම තමයි.මොකද මේ ලංකාවනෙ.phone එකේ IC එකක් පිච්චිලාලු.එයා ළඟ IC එක නැතිලු."හෙට ගේනවා...අනිද්දා ගේනවා...අහවල් දවසෙ එන්න...ඊට පස්සෙ දවසෙ එන්න.....",ඕක තමයි ඉතින් කතන්දරේ.මට දැන් හොඳටම එපාවෙලා.දැන් මට අලුත් mobile එකක් ගන්න සිත් පහළ වෙලා, ඇයි ඉතින් mobile phone හදන මනුස්සයට බාලගිරි දෝසෙනෙ.මම ඒ වුණාට තව ටිකක් ඉවසන්න ඕන.මගේ mobile එක ගැන පුංචි විස්තරයක් මෙතනින් බලාගන්න පුළුවන්.

මේ mobile එකේ 3G නම් නැහැ.‍camera quality ත් හොඳ මදියි.ඒත් sounds නම් එල.ඒකනෙ walkman කියන්නෙ.ඇත්තටම ගොඩක් හොඳට වැඩ කළා.මන්දගාමී(slow) ගතියක් පෙන්නුවෙ නැහැ.

අද දෙසැම්බර් 31.මේ මගේ 2009 අවුරුද්දට ලියවෙන අන්තිම ලිපිය.මේ එලඹෙන නව වසරෙ ඉඳල වත් තමන්ගෙන් අන් අයට ඉටුවිය යුතු යුතුකම් ඉටු කරන යහපත් සමාජයක් බිහි වේවායි මම එක සිතින් ප්‍රාර්ථනා කරන‍වා.එහෙම වුණොත් කිසිම කෙනෙකුට කරදරයක් රස්තියාදුවක් නැතිව තමන්ගෙ වැඩ කටයුතු පහසුවෙන් කරගෙන යන්න හැකි වේවි.

මේ ලිපිය කියවන ඔයා ඇතුළු සියළු ලෝක වාසීන්ට ‍උදාවන්නා වූ න‍ව වසර සතුටින් පිරි සුභ නව වසරක් වේවා!

බලාගෙනයි...පරිස්සමෙන්...

අද මම කියන දේ විද්‍යුත් තැපෑල(e mail) භාවිතා කරන අයට ගොඩක් වැදගත් වේවි කියල හිතනවා.ඇත්තටම මමත් මේ අත්දැකීම ලබල තියෙනවා.ඒ දැනට අවුරුද්දකට විතර ඉහත.දවසක් මට අමුතු ආකාරයේ පණිවුඩයක් ලැබුණා.ලැබුණෙ කොහොමද කියල නම් දන්නැහැ.ඒත් මට 100% ක් විශ්වාසයි මම ඒ පුද්ගලයට මගේ විද්‍යුත් තැපැල් ලිපිනය දුන්නැහැ කියල.පණිවුඩය එවල තිබුනෙ අවුරුදු 22 ක ගැහැණු ළමයෙක් විදියට.මම ඒක දාන්නම් , කියවල බලන්නකො.ඉතික් එයා ගැන ගොඩක් දිග විස්තරයක් තිබුණා.ඔයාට වුණත් මේ වගේ ලියුමක් ප්‍රථම වතාවට දැක්කොත් ඒක බොරුවක් කියල හිතෙන එකක් නෑ.පින්තූරයකුත් එවල නිබුණා.කවුද දන්නෙ ඉතින් කාගෙ එකක්ද කියල.

කොහොම වුණත් ඉතින් මාත් එයාට පිළිතුරු ලිපියක් යැව්වා.මට ඕන වුණේ මගේ විද්‍යුත් තැපැල් ලිපිනය හොයාගත්තෙ කොහොමද කියල දැනගන්න.ඒත් එයා ඒක‍ට පිළිතුරක් එව්වෙ නැහැ.එවල තිබුණෙ මෙන්න මේක.

මම කියන්නම් සරලව මේකෙ තියෙන දේ.ඔයත් කියවල බලන්න.
එයාගෙ මුල් ලිපියෙන් කියල තියෙනවා එයාගෙ පවුලෙ ඝාතනය ගැන.ඉතින් දැන් එයා ඉන්නෙ සරණාගත කඳවුරකලු.එයාගෙ නැසීගිය පියා සතුව ඩොලර් මිලියන 9.7ක මුදලක් ඇති බවත් එහි ඊළඟ හිමිකාරිය ඇය බවත් ඒ මුදල ලබා ගැනීම සඳහා උදව් කරන ලෙසත් ඉල්ලා සිටියා.ඒ රටේ නීතිය අනුව සරණාගතයෙකුට මුදල් යනාදිය සම්බන්ධයෙන් කිසිඳු හිමිකමක් හෝ විශේෂ අයිතිවාසිකමක් නැති බවත් සඳහන් කරල තියෙනවා.අවශ්‍ය සියලු ලියකියවිලිත් කියූ පරිදි ඇය විසින් ලබා දුන්නා.

මේ තියෙන්නෙ එයා එවපු ලියකියවිලි අතර තිබූ නැසීගිය පියාගේ මරණ සහතිකයයි.


බැංකු ගිණුමේ තොරතුරුත් එවල තිබුණා.මේ තියෙන්නේ ඒක.


මට පැවරුණු වැඩේ තමයි ඔය ලන්ඩනයේ Rabo බැංකුවේ තියෙන ‍ඇ.ඩොලර් මිලියන 9.7 ක මුදල මගේ බැංකු ගිණුමට ගෙන්වාගෙන එයින් කොටසක් ඇයට දී ඇයව සරණාගත තත්වයෙන් මුදවා ගැනීම.මරු Mission එකක් නේද?
ඊට පස්සෙ එයා මාව හම්බවෙන්න ලංකාවට එනවලු.එයාට අයිති මුදලෙන්(9,700,000 USD) කොටසක් මටත් දෙනවලු.wOw මරු චාන්ස් එක.
ඉතුරු හරියත් කියවල බලන්නකො..

ඉතින් දැන් තියෙන ප්‍රශ්නෙ තමයි මේ මුදල මගේ ගිණුමට බැර කරන්නේ(Transfer) කොහොමද කියන එක.ඒක කරන්න වෙන්නේ ඒ රටේ නීතීඥයෙකුගෙ මාර්ගයෙන්ලු.ඉතින් මට මේ නීතීඥයගෙ විද්‍යුත් තැපැල් ලිපිනය,දුරකතන අංක ආදි සියලු විස්තර ලබා දුන්නා.දැන් මට කරන්න තියෙන්නෙ නීතීඥවරයාගෙන් කරවාගතයුතු වැඩටික කරවාගැනීමයි.නීතීඥවරයාට යැවිය යුතු ලිපි‍යත් ඇය විසින් සකස්කර මා වෙත එවා තිබුණා.මම ඉතින් ඒක නීතීඥවරයාට යොමු කළා.නීතීඥවරයාගෙනුත් පිළිතුරු ලිපියක් ලැබුණා.ඒ ලිපියෙන් කියල තිබුණා දිග විස්තරයක්.

මේ තියෙන්නෙ නීතීඥවරයාගේ හැඳුනුම්පතෙහි විස්තර.


එවූ ලිපියෙහි එයා අය කරන මුදල ගැනත් සඳහන් කරල තිබුණා.සෙල්ලම් ගානක් නම් නෙවෙයි,යුරෝ 500ක්(500 Euro).
යුරෝ 500ක් කියන්නේ ඇ.ඩොලර් 753.35ක්.ලංකාවෙ මුදලින් නම් රුපියල් 86,156.2214ක්.

~අහු වුණේ මෙහෙමයි~

ඉතින් ටික දවසක් ගතවුණා.
මට සමාජ ජාල වෙබ් අඩවියකින්(social networking web) මිතුදම් ඇරයුමක්(friend request)ලැබී තිබුණා.ඒක එවපු කෙනා ඉල්ලීමක් කරල තිබුණා එයාගෙ e-mail address එකට පිළිතුරු ලිපියක් එවන්න කියල.මටත් ඉතින් ඒ දවස්වල අත්දැකීම් ගොඩක් අඩුයි.පොඩි එකා නොවැ.:D
මගේ තවත් email account එකක් තියෙනවා.මම ඒකෙන් එයාට reply කළා.මෙන්න ‍බොලේ මෙයත් අර කලින් එකා වගේ දිගම දිග ලිපියක් එවල.මෙයාගෙ ජීවිත කතාවත් අර මුලින් කෙනාගෙ කතාවට 100%ක් සමානයි.නම් වල පොඩි පොඩි වෙනස්කම් කීපයක් නිබුණා,එච්චරමයි...මටත් දැන් මාර ප්‍රශ්නෙ..ඔහොම ටික දවසක් ගතවුණා.

එක දවසක් මුලින් හම්බුණු කෙනා Online ඉන්නවා දැක්කා.මම ඒපාර එයාට කිව්වා ඔයා වගේම තවත් කෙනෙක් මට email එවනවා කියල.විස්තර ටිකත් කිව්වා.දැන් මම දන්නවා මේ දෙන්නම email එවන්නෙ එකම ගමකින් කියල.මෙයා කිව්ව විදියට මේ දෙන්නම එකම camp එකේ.අනිත් කෙනත් එක්ක තරහ බවත් උදව් නොකරන ලෙසත් පැවසුවා.මට තේරුනා මම අහන ඒවට උත්තර දෙන්නැතුව මගහරින බවත් බොරු කියන බවත්.ඊට පස්සෙ මේ දෙන්නගෙම කටවල් පියවුණා.මේ දෙන්නම මට emails එව්වෙ නැහැ.
පොඩ්ඩක් එහෙ මෙහෙ හොයල බැලුවම හෝඩුවාවල් ගොඩක් ලැබුණා.ඉතින් මුන් කරපු බොරුව සැක හැර දැනගත්තා.

මේ සිද්ධිය internet & email පාවිච්චි කරන ඔයාට ගොඩක් වැදගත් වෙයි කියල හිතනවා.ඒ නිසයි ලියන්න ඕන කියල හිතුනෙ.

මේ විදියට අහිංසක මිනිසුන්ව රවටල ඔවුන්ගේ මුදල් සොරකම් කරන විදි ගොඩක් තියෙනවා.මෙවැනි අය scammers යනුවෙන් හඳුන්වනවා.මෙවැනි වංචනිකයන්ගේ උගුල් වලට අසුවූ අයත් ගොඩක් ඉන්නවා.ඒ නිසා පරිස්සම් වෙන්න.

CDMA දුරකතනයක් හරහා අන්තර්ජාලයට පිවිසෙමු

අද මම කතා කරන්න යන්නේ CDMA දුරකතනයක් හරහා අන්තර්ජාලයට සම්බන්ධ වන ආකාරය ගැන.මගේ යාළුවෙකුත් මේ ගැන ඇහුවා.ඒ නිසයි ලියන්න ඕන කියල හිතුනෙ.
මෙන්න ක්‍රමය,කියවල බලන්න.
මේ සඳහා ඔබට අන්තර්ජාල පහසුකම සහිත CDMA දුරකතනයක් හා එය‍ට ගැලපෙන,පරිගණකය හා සම්බන්ධ කිරීමට කේබලයක් උවමනායි.CDMA දුරකතන මාදිලි රැසක් ඇකි බැවින් ඔබට ගැලපෙන කේබලය තෝරා ගන්න.මම මේ සටහනේ ලියන්නෙ SLT Citylink දුරකතනයකින් සැකසුම් සිදුකර ගන්නා අන්දමයි.
හරි...දැන් ඔබේ පරිගණකයට දුරකතනය නිවැරදිව සම්බන්ධ කරන්න.දැන් පරිගණකය ක්‍රියාත්මක කොට පහත පියවර අනුගමනය කරන්න.

අපි මුලින්ම කරන්න යන්නේ අපේ පරිගණකයට මොඩමය(Modem) අඳුන්වා දීමයි.මේ සඳහා control panel තුළට පිවිස Network & Internet conections වෙත ගොස් see also යටතේ phone & modem options තෝරන්න.classic view හිදී සෘජුවම phone & modem options වෙත යා හැක.Phone & Modem option විවෘත වූ විට එහි ඇති Modem වෙත ගොස් Add ‍බොත්තම ඔබන්න.දැන් පහතාකාරයට Add Hardware wizard ලැබේවි.

එහි ඇති don't detect my modem...ඉදිරියේ click කොට ඉදරියට(Next)යන්න.ඉන්පසු පහත පරිදි standard modem types යටතේ standard 19200 bps modem තෝරන්න.

ඉහත සැකසුම් සකසා Next කරන්න.දැන් ලැබෙන වින්ඩෝවේ selected ports අතරින් com1 තෝරා finish කරන්න.
දැන් modem properties වෙත ගොස් එහි Maximum port speed 115200 ලෙස සකසා ok කර phone & modem options වින්ඩෝවද ok කරන්න.

දැන් Network Connection වෙත ගොස් create a new connection ක්ලික් කොට New connection wizard ලබාගන්න.(control panel->Network Connection)
Next බොත්තම ඔබා ඉදිරියට යන්න.පිළිවෙලින් Connect to the Internet->set up my connection manually->connect using a dial-up modem තෝරා ඉදිරියට යන්න.දැන් ISP(Internet Service Provider) සඳහා නමක් ලබා දෙන්න.මේ සඳහා තමන් කැමති නමක් ලබා දිය හැක.දැන් phone number සඳහා ISP විසින් ලබා දී ඇති අංකය ඇතුළත් කරන්න(SLT citylink නම් #777)
ඉන්පසු ISP විසින් ලබා දී ඇති user name සහ password ඇතුලත් කරන්න.(උදා:-netguest@pre.sltnet හා guest)
අවසානයේ add shortcut to...ඉදිරියේ click කොට Finish කරන්න.ඔබේ desktop එකෙහි සෑදුනු අයිකනය click කොට එහි properties වෙත යන්න.configure බොත්තම click කොට Maximum speed 115200 ලෙස සකසන්න.ok කර සියළු කවුලු වසා දමන්න.
දැන් සියළු වැඩ අවසන්...රිසි සේ අන්තර්ජාලයේ සැරිසරන්න.

පරිගණකයේ සිංහල අකුරු ස්ථාපනය කරමු

අපිට පරිගණකය ආධාරයෙන් සිංහලෙන් ලිපියක් සකස් කරගන්න අවශ්‍ය වෙන වෙලාවල් තියෙනවනෙ.ඉතින් සමහරු දන්නැහැ පරිගණකයේ සිංහල අකුරු ස්ථාපනය(install) කරගන්නෙ කොහොමද කියල.ඉතින් නොදන්න කට්ටියට වැදගත් වෙන නිසා තමයි මේ ලපිය ලියන්න අදහස් කලේ.හැමෝම හැමදේම දන්නැහැනෙ නේද?
ඉතින් මෙහෙමයි කරන්නෙ.මුලින්ම සිංහල අකුරු(sinhala fonts) ඕන වෙනවා වැ‍ඩේට.ක්‍රම කීපයක් තියෙනවා.මම මේ විදියට කියල දෙන්නම්.

මුලින්ම තමන්ට අවශ්‍ය අකුරු(fonts) තෝරාගෙන ඒවා copy කරගන්න.දැන් control panel තුලට පිවිස fonts විවෘත කරන්න.classic view හදී සෘජුවම fonts නම් අයිකනය පෙන්වන අතර category view හිදී Appearance and themes click කොට see also යටතේ fonts විවෘත කරගන්න.දැනට පරිගණකයේ ඇති සියළුම fonts මෙහි පෙන්වනවා.දැන් copy කරගත් අකුරු මෙහි paste කරන්න.කළයුත්තේ එපමණයි.මේක මහ ලොකු කර්තව්‍යක් නෙවේ.ඒත් නොදන්න කට්ටියත් ඇති.එයාලට වැදගත් වේවි.

නැවතත් ඔබ හමුවට...

හුඟ කාලෙකින් මොකුත්ම ලියන්නත් බැරිවුණා.මට තාම හිතාගන්න බෑ මොනවගේ මාතෘකා ඔස්සේ ලියනවද කියල.

මොනවද මේ ප්‍රශ්න.......?

ඇත්තටම මිනිස්සු මොකද මෙච්චර රණ්ඩු වෙන්නේ?මම නම් දකින්නෙ එකම එක හේතුවයි.මිනිස්සුන්ට මිනිස්සුන්ව තේරුම් ගන්න බෑ...ඒක තමයි වෙලා තියෙන්නේ.ඔයාල මොකද ඒ ගැන හිතන්නේ??මම හරිද මන්දා........ඔයාලගෙ අදහස් කියන්න බලන්න.

යාළුවනේ.........

ඔන්න ඉතින් මමත් හා හා පුරා කියල බ්ලොග් එකකට අත ගැහුවා........ආතල් එකක් තියෙනව වගේ මේකෙ.....